မြန်မာ့ဆက်သွယ်ရေးလုပ်ငန်းက အော်တိုကြိုးဖုန်းများကို အရစ်ကျစနစ်ဖြင့် ငါးရစ်ခွဲ၍ ဌားရမ်းခွင့်ပေးမည်

နေပြည်တော် ဇန်နဝါရီ ၅ ရက်

မြန်မာ့ဆက်သွယ်ရေးလုပ်ငန်းသည် အော်တိုတယ်လီဖုန်းကြိုးဖုန်းများကို ဇန်နဝါရီ ၂ ရက်မှ စတင်ပြီး ငါးရစ်ခွဲ၍ ဌားရမ်းခွင့်ဆောင်ရွက်ပေးလျက်ရှိသည်။

ကနဦးတပ်ဆင်ခ ခြောက်သိန်းခွဲဖြင့် ဌာရမ်းသုံးစွဲခွင့်ပြုမည်ဖြစ်ပြီး ပထမအရစ်အတွက် ငွေကျပ် သုံးသိန်းကို စာချုပ်ချုပ်ဆိုသည့်နေ့တွင်လည်းကောင်း၊ ဒုတိယ အရစ်အတွက် ငွေကျပ်တစ်သိန်းကို စာချုပ်ချုပ်ဆိုပြီး၍ နှစ်လ ပြည့်ပြီး လဆန်း ၅ ရက် အတွင်းတွင် လည်းကောင်း၊ တတိယ အရစ်အတွက် ငွေကျပ် တစ်သိန်းကို စာချုပ်ချုပ်ဆိုပြီး၍ လေးလပြည့်ပြီး လဆန်း ၅ ရက် အတွင်းတွင် လည်းကောင်း၊ စတုတ္ထအရစ်အတွက် ငွေကျပ် တစ်သိန်းကို စာချုပ်ချုပ်ဆိုပြီး၍ ခြောက်လ ပြည့်ပြီး လဆန်း ၅ ရက် အတွင်းတွင် လည်းကောင်း၊ ပဉ္စမအရစ်အတွက် ငွေကျပ် ငါးသောင်းကို စာချုပ်ချုပ်ဆိုပြီး၍ ရှစ်လပြည့်ပြီး လဆန်း ၅ ရက် အတွင်းတွင် လည်းကောင်း ပေးသွင်းရမည်ဖြစ်သည်။

ပထမအရစ် ငွေပေးသွင်းပြီး ၃ရက်အတွင်း တယ်လီဖုန်းများ တပ်ဆင်နိုင်ရန် စီစဉ်ထားရှိသည်။ အဆိုပါကိစ္စနှင့်ပတ်သက်၍ အသေးစိတ် သိရှိလိုပါက နီးစပ်ရာ မြန်မာ့ဆက်သွယ်ရေးလုပ်ငန်းများ တွင် မေးမြန်းနိုင်ကြောင်း သိရှိရသည်။